Almaniyanın qərbində yüngül motorlu təyyarənin qəzaya uğraması nəticəsində ən azı iki nəfər həlak olub.
“Report” TASS-a istinadən xəbər verir ki, bu barədə NTV telekanalı məlumat yayıb.
Hadisə Korşenbroyh yaşayış məntəqəsində (Şimali Reyn-Vestfaliya federal torpağı) baş verib. İdman təyyarəsi yaşayış evinə düşüb, nəticədə evdə yanğın başlayıb.
“Bild” qəzeti yazıb ki, pilot mühərriklə bağlı problem barədə məlumat verərkən təyyarə Mönhenqladbax şəhərinə istiqamət almışdı.
