İranın yeni Ali Lideri tezliklə seçiləcək.
Modern.az xəbər verir ki, bunu İranın xarici işlər naziri Abbas Əraqçi NBC televiziya kanalına verdiyi açıqlamada bildirib.
O bildirib ki, İran ABŞ-ın və ya başqa birinin yeni liderin seçilməsi prosesinə müdaxilə etməsinə icazə verməyəcək.
ABŞ prezidenti Donald Tramp daha əvvəl İranın yeni Ali Liderinin seçilməsində söz sahibi olmalı olduğunu bildirmişdi.
"Biz heç kimin daxili işlərimizə qarışmasına icazə vermirik. Bu məsələ ilə Ekspertlər Məclisi məşğul olacaq. Bu, yalnız İran xalqının işidir, başqasının işi deyil", - deyə İran naziri bildirib.
Əraqçi həmçinin bildirib ki, İranın yeni Ali Liderinin seçkiləri tezliklə keçiriləcək.
"Müvəqqəti Liderlik Şurası yaradılıb və liderin olmadığı müddətdə öz funksiyalarını yerinə yetirir, yeni Ali Lideri isə tezliklə Ekspertlər Məclisi tərəfindən seçiləcək", - Əraqçi bildirib.
Fevralın 28-də ABŞ və İsrail İrana qarşı genişmiqyaslı hərbi əməliyyata başladılar. Təl-Əviv zərbələrin məqsədinin Tehranın nüvə silahı əldə etməsinin qarşısını almaq olduğunu bildirdi. Tramp da öz növbəsində İranın donanmasını və müdafiə sənayesini məhv etmək niyyətində olduğunu bildirdi və ölkə vətəndaşlarını rejimi devirməyə çağırdı. Fevralın 28-də Ali Lider Əli Xamenei və digər aparıcı şəxslər öldürüldü.
