M.Ə.Sabir adına 259 nömrəli tam orta məktəb
12 dekabr 2023-cü il tarixdə məktəbin akt zalında Ümummilli lider Heydər Əliyevin anım günü ilə əlaqədar "Sən elə bir zirvəsən..." adlı tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Ulu öndər Heydər Əliyev və şəhidlərimizin əziz xatirəsi 1 dəqiqəlik sükutla yad edildi. Məktəbin 2b sinif müəllimi Təranə Ağabəyovanın şagirdləri ilə birlikdə hazırladığı tədbirdə şagirdlər dahi liderə həsr olunmuş şeirlər səsləndirdilər, mahnılar ifa etdilər. Çıxış edənlər - məktəbin direktoru Venera Mustafayeva, tarix müəllimi Vəfa Babayeva, Vətən müharibəsi qazisi Ülvi Qədir, Kristal TV-nin direktoru Xəyal Quliyev vurğuladılar ki, tarixə öz adını əbədi həkk etmiş nadir şəxsiyyətin, qüdrətli siyasi xadimin həyat və fəaliyyəti hər bir Azərbaycan vətəndaşının qürur mənbəyinə çevrilmişdir. Sonda tədbir iştirakçıları təşəkkürnamə ilə təltif olundular.
kristal Tv
