Hörmətli valideynlər,
Nazirlər Kabinetinin qərarına əsasən, 2023-2024-cü tədris ilində ölkənin hər bir ümumi təhsil müəssisəsi üzrə vahid məktəbli geyimi tətbiq ediləcək. Vahid geyim forması şagirdlərə məsuliyyət hissi aşılayır və məktəbin özünəxas təhsil mühitini formalaşdırır.
Rəhbərlik etdiyim Qazax şəhər S.Əfəndiyev adına 1 nömrəli tam orta məktəbdə də Pedaqoji Şuranın qərarı ilə 2 nömrəli məktəbli formasını seçmişik. Forma seçilərkən valideynlərin də fikrini nəzərə almışıq və onlara bildirmişik ki, bu geyimlər ən azı 3 tədris ili dəyişilməz qalacaq. Artıq məktəbimizin şagirdlərinin bir qismi formaları alıb. Rayondan kənarda olan, formanın rəngi ilə tanış olmayan və hələ forma almayan valideynlərə sinif rəhbərləri ilə əlaqə saxlamağı, sonra yaranacaq sıxlığın qarşısını almaq üçün forma almağı tövsiyə edirik.
Qazax şəhər S.Əfəndiyev adına 1 nömrəli tam orta məktəbin direktoru-Yaşar Əliyev
