Kristal TV xəbər verir ki, 1953 -cü ildən fəaliyyət göstərən Tovuz şəhəri, 2 saylı körpələr evi uşaq bağçasında 4 qrupda 53 uşaq təlim-tərbiyə alır. Müəssisənin direktoru Abbasova Vüsalə bildirdi ki,
“Bağçamızın çox savadlı müəllim kontingenti var, həmçinin, burada tibb bacısı fəaliyyət göstərir, hər gün uşaqların sağlamlığına nəzarət edir”.
Məktəbəqədər yaş dövründə uşaqların yüksək enerjiyə ehtiyacları olduğundan müəssisədə onların gündəlik qida rasionu xüsusilə nəzarətdə saxlanılır, Əsasən, enerji, vitamin və minerallarla zəngin menyu əsasında gün ərzində 4 dəfə qidalandırılır. 3 dəfə isti xörək yeməkləri və 1 dəfə isə süd məmulatları, meyvə, tərəvəzlərin üstünlük təşkil etdiyi qidalar təqdim edilir. Vüsalə Abbasova bildirdi ki, istər qidalanma, istərsə də, təlim-tərbiyə baxımdan valideynlər hər zaman məhz bu müəssisəni seçirlər. Təsadüfi deyil ki, 70 yerlik bağçada yerlərin hamısı demək olar ki, doludur, bundan başqa, “2 saylı” körpələr evi – uşaq bağçasına yazılmaq üçün növbədə xeyli şagirdin olduğu qeyd olunub.
“Valideynlərin bizim fəaliyyətimizə, işimizə böyük etibarı və etimadı var. Bağçamızda yaradılan yaxşı təhsil üçün, uşaqlara baxmaq üçün, uşaqların qidalanması üçün Qazax-Tovuz Regional Təhsil İdarəsinə minnətdarlığımı bildirirəm”.
Ümid edək ki, digər təhsil ocaqlarının da fəaliyyəti valideynlərin ürəyincədir.
