KRİSTAL TV -nin aktiv layihəsi olan "Azərbaycan müəllimi" hələ də davam edir! Əgər siz də layihədə iştirak etmək istəyirsinizsə, müraciət edə bilərsiniz.
Aynurə Mirzəyeva - 22 dekabr 1981-ci ildə Ağcabədidə anadan olub.
Orta təhsilini yaşadığı rayonda 1 saylı məktəbdə alıb,məktəbi əla qiymətlərlə bitirərək Gəncə Dövlət Universitetinə qəbul olur.
Universiteti bitirdikdən sonra M. Aranlı adına 11 saylı məktəbdə İnformatika müəllim kimi fəaliyyətə başlayır.
Pedoji fəaliyyəti dövründə müəllim kimi fəaliyyəti ilə yanaşı, məktəbdə, sinifdə ssenarilər hazırlayaraq, tədbirlər həyata keçirib. Şəhid ailələri ilə görüşlər təşkil edir.
Şagirdlərinin vətənpərvər ruhda yetişməsində böyük rolu var. Pedaqoji fəaliyyəti dövründə bir çox təlimlərdən uğurla keçib, sertifikatlar alıb. Fəaliyyət göstərdiyi məktəbdə Rəqəmsal bacarıqlar və Təlimlərdən keçərək yeni layihə olan STEAM fənnini uğurla tədris edir.
Hələ tələbəlik illərindən nəsr formada yazsa da, yazıları dəftərdə qalır, elə yazdığı şeirlər kimi...
İlk olaraq "Aynurə İnci" imzası ilə şeirləri "Zərif kölgələr" Antologiyasına 2019-cu ildə dərc olunub.
Mütəmadi olaraq yerli mətbuat orqanlarında, saytlarda şeir və məqalələri dərc olunub.
Vətən mücahidləri salnaməsində (aprel şəhidləri haqqında) şəhidlər haqqında yazıları dərc edilib.
Vətən müharibəsindən sonra şəhidlər haqqında 30-dan çox bədii-publisistik məqalələri dərc olunub.
"Oxu məni", "Türküstan" "Ədalət" , "525", "Aran" və digər qəzetlərdə,"Azad Qələm" və "Xəzan" jurnalında şeirləri dərc edilib.
Bundan başqa, Türkiyə mətbuatında,saytında da şeirləri işıqlandırılıb (Sunqurlar qəzeti,küfte edebiyat jurnalı,dergizan və s).
Kristal TV olaraq, biz də Aynurə Mirzəyevaya uğurlar diləyir, gələcək fəaliyyətlərində bol şans arzulayırıq.
