Qazax-Tovuz Regional Təhsil İdarəsinin Şəmkir rayonu üzrə Təhsil sektorunun, Qazax-Tovuz Regional Gənclər və İdman İdarəsinin Şəmkir rayonu üzrə Gənclər və İdman sektorunun, Səfərbərlik və Hərbi Xidmətə Çağırış üzrə Dövlət Xidmətinin Şəmkir rayon şöbəsinin birgə təşkilatçılığı ilə Şəmkir Olimpiya İdman Kompleksində “Şahin” hərbi-idman oyunun rayon birinciliyi keçirilib.
Kristal TV xəbər verir ki, yarışda Ulu öndərimiz Heydər Əliyevin və Vətənimizin azadlığı uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Gərgin və maraqlı şəraitdə keçən rayon birinciliyinin nəticəsinə əsasən, I yerə Şəmkir rayon Sabirkənd S. Rüstəmov adına tam orta məktəbin komandası, II yerə Şəmkir rayon Zəyəm-Cırdaxan kənd Ş.Əmirov adına tam orta məktəbin komandası, III yerə isə Şəmkir rayon Dəllər-Cırdaxan kənd tam orta məktəbin komandası layiq görülüb.
