KRİSTAL TV -nin aktiv layihəsi olan "Azərbaycan müəllimi"ndə siz də iştirak edə bilərsiniz.
Cəfərov Samid Hicran oğlu 1990-cı ildə Şirvan şəhərində anadan olmuşdur.
2007-ci ildə Şirvan şəhər 2 saylı tam orta məktəbdən çıxaraq Şirvan Dövlət İqtisadiyyat və Humanitar Kollecin "Fiziki tərbiyə müəllimi" ixtisasına qəbul olmuşdur.
2010-cu ildə kolleci bitirib hərbi xidmətdə olmuş və 2012-ci ildə hərbi xidməti başa vurmuşdur.
2014-cü ildə Şirvan şəhər Uşaq Gənclər İdman və Şahmat məktəbində Yunan-Roma güləşi üzrə məşqçi müəllim kimi fəaliyyət göstərməyə başlamışdır.
2018-ci ildə müəllimlərin işə qəbul (MİQ) müsabiqəsində iştirak edərək Biləsuvar rayon Bəydili kənd Rüfət Mikayılov adına tam orta məktəbə müddətli müqavilə ilə qəbul olmuşdur.
Samid müəllimin aldığı əmək haqqı onun heç yol pulunu belə ödəməsə belə, o qarşısına məqsəd qoyaraq fədakar müəllim prinsipini yerinə yetirmişdir. O cari tədris ili üçün keçirilən müsahibədə uğur qazanaraq daimiləşmişdir.
2019-cu ildə yenidən MİQ müsabiqəsində iştirak edərək Neftçala rayon Kürkənd kənd Vüqar Soltanov adına ümumi orta məktəbə yerdəyişmə etmişdir.
Yaşayış yerindən çox uzaq məsafə olsa belə, müəllim uşaqlarla və peşəsinə olan sevgisindən əsla yorulmayıb.
2020-ci ildə yerdəyişmə müsabiqəsində iştirak edərək Salyan rayon Qarabağlı kənd 2 saylı tam orta məktəbə yerini dəyişmişdir. Həmin il ərzində müəllim "Gənc müəllimlər Asossiasiyası"nın təşkilatçılığı ilə yeni layihə olan kişi müəllimlər arasında futzal yarışında öz işlədiyi Salyan rayonunun yığma komandasında kapitan kimi çıxış etmişdir.
2021-ci ilə yenidən MİQ müsabiqəsində iştirak edərək Kürdəmir rayon Bala kəngərli ümumi orta məktəbinə 2-ci iş yeri kimi müddətli müqavilə ilə qəbul olmuş və həmin il müsahibədə uğur qazanaraq 2-ci iş yerində də daimiləşmişdir.
Samid müəllimin 2 iş yerinin heç biri öz yaşayış yerində yerləşməsinə baxmayaraq öz məksədindən əl çəkməmişdir.
2021-ci ildə ikinci iş yeri olduğu üçün Uşaq Gənclər və Şahmat məktəbindən çıxmışdır.
2022-ci ildə isə üzrlü səbəblərdən 2-ci iş yerindən imtina etmiş, 2023-cü ildə MİQ imtahanında yenidən iştirak edərək 2-ci iş yeri kimi Neftçala rayon Cəngən kənd tam orta məktəbinə müddətli müqavilə ilə işə qəbul olmuşdur.
Samid müəllim bununla yanaşı, həm də təhsil sahəsində xüsusi xidmətləri olan "Təhsil Forumu" Sosial Platformasında Şirvan-Salyan regionalı üzrə koordinator, və Salyan rayon gənc fiziki tərbiyə müəllimləri birliyin koordinatorudur.
Müəllim öz peşəsi üzrə müxtəlif tədbirlərdə uğurla çıxış etmiş və mükafatlandırılmışdır.
Samid müəllim müəllim olmaq istəyən namizədlərə üzünü tutub demişdir: "Məqsəd və əziyyət heç bir zaman yerdə qalmır. Allah hər bir əziyyətin bəhrəsini verir, əlbət bir gün. Ona görə də bu peşə üçün fədakarlıq etməyə dəyər..."
Kristal TV olaraq biz də kişi müəllimlərinin sayı az olduğu dövrdə, ömrünü məhz müəllimliyə həsr edən Samid müəllimə şərəfli peşəsində uğurlar arzulayır, bol şagird sevgisi diləyirik..
