Bizim növbəti qəhrəmanımız Qəhrəmanzadə Mehin Fuad qızıdır. O, Sabirabad şəhər N. Nərimanov adına 2 saylı Beynəlmiləl təbiət və texniki fənlər təmayüllü məktəb- liseyin 11- ci sinif şagirdidir. Elm və Təhsil Nazirliyi Mikrobiologiya Institutu tərəfindən keçirilən Heydər Əliyev ili çərçivəsində "Mikroorqanizmlər uşaqların gözü ilə" adlı rəsm müsabiqəsində Respublika üzrə 1 -ci yerə layiq görülmüşdür. Eyni zamanda Sabirabad rayonunda təşkil olunmuş "Sabir art" layihəsinin 10 istedadlı iştirakçılarından biri seçilmişdir. Layihə müddətində İçəri şəhəri etüd etmiş, Tahir Salahovun ev muzeyinde olmuş və layihənin final mərhələsində Şuşa şəhərinin tarixi abidələrini, təbiətinin füsunkar gözəlliyini təsvir etmişdir. Layihənin bütün mərhələlərini uğurla başa vurmuşdur. Rəssamlığa böyük həvəs və marağı onda rəsm müəllimi Dərya Hüseyinli oyatmışdır. Müəllimi və istedadlı şagirdinə gələcək fəaliyyətində uğurlar diləyirik.
