1 İyun “Uşaqların Beynəlxalq Müdafiə Günü ”hər il ölkəmizdə yüksək səviyyədə qeyd olunur. Uşaqlara diqqət və qayğı Ulu öndərimiz Heydər Əliyev tərəfindən həmişə yüksək səviyyədə həyata keçirilmiş və bu gün möhtərəm cənab Prezidentimiz İlham Əliyev onu uğurla davam etdirir. Azərbaycan Respublikasının Birinci vitse-prezidenti, Heydər Əliyev Fondunun Prezidenti, YUNESKO və İSESKO-nun xoşməramlı səfiri Mehriban xanım Əliyevanın fəaliyyəti ilə bu qayğı daha böyük önəm almışdır.
1 İyun – Uşaqların Beynəlxalq Müdafiəsi günü münasibəti ilə Qazax Tovuz regional təhsil idarəsi tərəfindən tədbirlər planına əsasən silsilə tədbirlər təşkil edilib keçirilib. Belə bir möhtəşəm tədbir Tovuz şəhər 6 saylı körpələr evi uşaq bağçasında qeyd edilib.
Bağça rəhbərliyinin və kollektivin birgə əməyi nəticəsində möhtəşəm bayram tədbiri keçirildi ki, bu da uşaqlar üçün olduqca yadda qalan və unudulmaz olacağına tam əminəm.
Bağça rəhbərliyi İsmayılıova Aytəkin Oktay qızı bizim qəhraman şəhidimiz İsmayılov Ceyhun İqbal oğlunun anasıdır.
İsmayılıova Aytəkin Oktay qızı bağçaya rəhbərlik etdiyi dövürdən bu yana bağçada əsaslı dəyişikliklər olmuş və körpə fidanların daha yaxşı şəraitdə təlim tərbiyə və vətənpərvəlik ruhunda böyülməsi istiqamətində bir çox addımlar atmışdır ki, bu da sevindirici haldır.
Uşaqlar üçün xüsusi hazırlanmış bayram tədbiri həm bağçanın daxilində eyni zamanda Tovuz şəhər Heydər Əliyev adına parkda da davam etdirilmişdir.
Sonda çəkilişə şərait yaratdığına görə Kristal Tv olaraq Qazax-Tovuz Regional Təhsil İdarəsinin rəhbərliyinə, onun İctimaiyyətlə Əlaqələr Şöbəsinin məsul əməkdaşı Nəcibə Vəliyevaya minnətdarlığımızı bildiririk.
Tədbirdən olan geniş video reportajı tezliklə izləyə biləcəksiniz.
