TikTok-da tez-tez qeyri-sağlam davranışlar, məsuliyyətsiz hərəkətlər və bəzən hətta qanuni və etik normalara zidd fəaliyyətlər əks olunmaqdadır. Bəzi influencerlər və istifadəçilər bu cür məzmunları paylaşır, bu da gənclərin bu davranışları normal qəbul etməsinə yol aça bilər.
TikTok platformasında bəzən məlumatın doğruluğu yoxlanılmadan yayımlanır. Təxələki, saxta xəbərlər və həqiqətə zidd iddialar bu platformada sürətlə yayılmaqdadır ki, bu da gənclərin yanlış məlumatla qərar verməsinə gətirib çıxarır.
TikTok-da bəzən özünü ifşa etmə və populyarlıq əldə etmə məqsədilə sərhədli və bəzən qeyri-etik davranışlar nümayiş etdirilir. Bu isə, xüsusilə gənclər arasında, qeyri-sağlam gözləntilər və sosial təzyiqlərin yaranmasına səbəb olur.
Gənclər bəzən platformada gördükləri davranışları "cool" və "populyar" hesab edərək öz həyatlarına tətbiq edirlər. Bu da nəticədə, əxlaqi və sosial dəyərlərin zəifləməsinə səbəb ola bilər.
TikTok-un sürətli və davamlı məzmun təqdim etməsi, gənclərin zamanını qeyri-proporsional olaraq sərf etmələrinə səbəb ola bilər. Bu, təhsil, şəxsi inkişaf və digər əhəmiyyətli fəaliyyətlərə ziyan vura bilər.
Bu nöqteyi-nəzərdən, TikTok-un sosial şəbəkə kimi yalnız müsbət tərəfləri deyil, həm də tənqidə açıq tərəfləri mövcuddur. Bu məsələlərə diqqət yetirərək, daha sağlam və məsuliyyətli bir rəftar forması üçün həm istifadəçilərin, həm də valideynlərin və müəllimlərin bu platformada necə iştirak etdiyini təhlil etmək vacibdir.
Təhsil eksperti kimi mən də bu platformada profilim var. Amma təəsüflə qeyd edirəm ki, cəmiyyət maariflənmə ilə bağlı səhifələri izləmirlər. Canlı yayımlar açırıq, videolar paylaşırıq amma izləyici kütləsi azdır. Lakin hər hansısa biri çıxır yemək yeyir, çay içir, kamera qarşısında oynayır baxırsan ki, izləyici sayı neçə yüz mindir. Hesab edirəm ki, problem məhz elə bizim cəmiyyətdədir. Savadsızlıq cəmiyyətdədir ki, mənası olmayan şeyləri izləyirlər. Bütün sosial platformalarda yaxşı şeylər təqdim olunmalıdır. Cəmiyyətin yanaşması mütləq şəkildə dəyişməlidir.
